O novo xerente do Xacobeo fala en Ávila sobre a peregrinación de San Francisco de Asís

fai 10 anos

O xerente da S.A. de Xestión do Plan Xacobeo, Rafael Sánchez Bargiela, pronunciou hoxe en Ávila unha conferencia sobre o VIII Centenario da Peregrinación de San Francisco a Santiago de Compostela.

Na conferencia, ademais de disertar sobre o fenómeno xacobeo e a peregrinación de San Francisco, presentou a programación que Turismo de Galicia a traveso da S.A. de Xestión do Plan Xacobeo organizou ao longo deste ano 2014 para a conmemoración do oitavo centenario da peregrinación a Compostela do Santo.

Sánchez Bargiela reuniuse, así mesmo, con representantes das Asociación de Amigos do Camiño na zona e de entidades relacionadas.

A conferencia insírese no contexto dun ciclo titulado 100 Anos en 5 días organizado pola Concellería de Cultura do Concello de Ávila a cargo da tenente de alcalde Sonsoles Sánchez-Reyes. O ciclo recolle cinco conferencias durante esta semana sobre outros tantos centenarios que se cumpren este ano.