PublicidadeUSC
logo_menu

PROXECTO ACTUALIDADE PLANO

O Apóstolo e o Camiño chegan a Toquio en forma de cine

fai 10 anos

Turismo de Galicia, en colaboración co Instituto Cervantes de Toquio, organiza un ciclo de cinema galego no que se proxectarán seis filmes ata o 20 de decembro. 

The Way será unha das películas proxectadas

O ciclo, incluído nas accións que se desenvolven no marco da conmemoración do Ano Dual España-Xapón, ten por obxectivo ofrecer aos espectadores xaponeses unha visión da paisaxe e da cultura material e inmaterial de Galicia e do seu carácter.

Seleccionáronse para este ciclo seis películas, entre elas, The Way e O Apóstolo. O resto son: Mar adentro; La lengua de las mariposas; Romasanta, la caza de la bestia e 18 comidas.

En todos os filmes aparecen fitos recoñecibles e propios da paisaxística que reforzan a autenticidade do territorio, tal é o caso do casco antigo de Ourense, da aldea de Seceda, dos soutos da Fonsagrada; da praia das Furnas; as prazas circundantes á catedral de Santiago; o mercado de Compostela etc. Doutra parte, son películas cun alto contido emocional que facilita a identificación dos espectadores cos personaxes e os escenarios.

O ciclo contará con dúas sesións de cine fórum impartidas por un profesor do Instituto Cervantes para os xaponeses teñan maior coñecemento da historia e o contexto cultural que teñen as películas do ciclo.

Ademais, crearase un espazo de web onde se poderán coñecer as localizacións das rodaxes cinematográficas (Movie Map), as anécdotas das rodaxes e a información turística dos escenarios de cada película en castelán e en xaponés.

Ver todas as novas

A Xunta presenta o Camiño no festival brasileiro de Gramado

fai 9 anos

Trátase dunha feira turística exclusiva para profesionais que se celebra no (+)

Un Foro conmemorará o 25 aniversario da morte de Elías Valiña

fai 9 anos

Vilafranca do Bierzo acollerá en decembro un Foro Internacional sobre o legado (+)

PublicidadeAsociacion de Amigos del Camino

PublicidadeHotel Balneario Compostela
PublicidadeLa Salle