Trivago premia a Santiago como a cidade con mellor reputación online de España
fai 11 anos
O comparador de prezos de hoteis www.trivago.es realizou un estudo de reputación online analizando as valoracións dos usuarios de internet nos destinos españois con maior número de hoteis.
![](imaxes/Noticias/11 copia.jpg)
Santiago obtivo unha valoración media de 82,05 puntos sobre 100.
A análise realizouse nas 40 cidades españolas con maior número de hoteis e tivéronse en conta 1,7 millóns de opinións de usuarios. O resultado situou a Santiago de Compostela como a cidade española con mellor reputación online, cunha valoración media de 82,05 puntos sobre 100. Xunto a Oviedo, con 80,19, son os únicos destinos analizados que superan os 80 puntos. Valencia, con 79,82, é a terceira do ranking, Burgos a cuarta con 79,74 e Córdoba a quinta con 79,71.
As cinco recibirán o galardón dos Trivago Online Reputation Awards 2013 durante a feira de turismo Fitur, que terá lugar en Madrid entre o 30 de xaneiro e o 3 de febreiro. Concretamente Santiago recibirá o seu premio o día 30 de xaneiro ás 14.00 h no stand de Turgalicia.
Os premios Trivago Online Reputation Awards recoñecen o bo traballo dos aloxamentos das cidades españolas, xa que a reputación online é un dos factores que máis inflúen tanto na decisión de compra dos viaxeiros como na creación dunha imaxe de marca sólida por parte dos hoteleiros.
A Xunta presenta o Camiño no festival brasileiro de Gramado
fai 9 anos
Trátase dunha feira turística exclusiva para profesionais que se celebra no (+)
Un Foro conmemorará o 25 aniversario da morte de Elías Valiña
fai 9 anos
Vilafranca do Bierzo acollerá en decembro un Foro Internacional sobre o legado (+)