O Foro Cívico Empresarial aposta por Lavacolla como o gran aeroporto galego
fai 11 anos
A Fundación Catedral de Santiago e representantes de empresarios, colexios profesionais e institucións locais participaron na reunión do Foro sobre Lavacolla organizada pola Cámara de Comercio.
![](imaxes/Noticias/SCQS75127_alta.jpg)
Os membros do Foro Cívico Empresarial propuxeron promover unha cooperación entre as tres terminais galegas, pero “posibilitando unha política de xestión e promoción individualizadas de Lavacolla”, o que permitiría “desenvolver o seu potencial e servir de forma óptima ás empresas e habitantes da súa área de influencia”.
No comunicado final proponse a creación dun Grupo Técnico de Promoción do Aeroporto de Lavacolla, no que estarían Concello, Cámara, asociacións empresariais, Xunta de Galicia e Aena. Reclámase a mellora dos accesos terrestres con Lavacolla para consolidar “a súa área de influencia, entendida esta como Galicia, norte de Portugal e as veciñas provincias españolas”. Os participantes suxiren que o aeroporto compostelano debería comunicar coas principais cidades do noroeste peninsular mediante unha “rede de transporte áxil e frecuente”.
Unha das reclamaciones fundamentais é a consolidación de rutas intercontinentales, como Caracas e Nova York, e o incremento dos destinos europeos e de voos e frecuencias coas illas Canarias e Baleares.
Ao longo do prolongado debate, insistiuse en “fomentar activamente o mellor desenvolvemento posible de Lavacolla” porque ten a “mellor infraestrutura do cuadrante peninsular por dotación, equipamiento e situación xeográfica; concentra máis da metade do tráfico de pasaxeiros e un terzo do movemento de mercancías de Galicia”.
A Xunta presenta o Camiño no festival brasileiro de Gramado
fai 9 anos
Trátase dunha feira turística exclusiva para profesionais que se celebra no (+)
Un Foro conmemorará o 25 aniversario da morte de Elías Valiña
fai 9 anos
Vilafranca do Bierzo acollerá en decembro un Foro Internacional sobre o legado (+)