Santiago será en 2014 a sede dun Congreso Internacional de Peregrinacións no Mundo
fai 11 anos
O xerente do Xacobeo, José Paz, e o secretario xeral da Organización Mundial do Turismo, Taleb Rifai, reuníronse en Armenia no marco da Conferencia Internacional Valores Universais e Diversidade Cultural no século XXI e anunciaron a celebración en 2014 en Santiago dun gran congreso internacional sobre Peregrinacións no Mundo.
![](imaxes/Noticias/josepazgestoso.xacobeo431.jpeg)
José Paz, xerente do Xacobeo
Esta semana arrincan os preparativos deste evento coa constitución de dous grupos de traballo, un formado por técnicos da Secretaría Xeral para o Turismo e do Xacobeo, e outro conformado por técnicos da OMT. Ambos coorganizarán o evento que reunirá en Compostela a expertos mundiais no fenómeno das peregrinacións.
O fin deste encontro é analizar o fenómeno das peregrinacións no mundo dende a óptica cultural, económica, turística, relixiosa, ética ou histórica. O congreso internacional converterá a Santiago no centro mundial do estudo da peregrinación nas diversas culturas do planeta.
Modelo de aproveitamento turístico do Camiño de Santiago
Na Conferencia Internacional Valores Universais e Diversidade Cultural no século XXI: estiveron presentes delegacións de máis de 20 países, e nas diferentes reunións mantidas polo responsable do Xacobeo participou tamén Isabel Garaña, directora rexional para Europa da Organización Mundial do Turismo.
José Paz interveu o xoves dentro do panel sobre “Turismo Relixioso e Diálogo Intercultural”, no que pronunciou un relatorio sobre o aproveitamento turístico do Camiño de Santiago.
No encontro Paz expuxo a súa experiencia no eido do desenvolvemento turístico vinculado á Ruta Xacobea. O obxectivo da Organización Mundial do Turismo coa celebración desta conferencia é impulsar o posicionamento estratéxico dos países convidados ao encontro para reforzar a cooperación en Europa de cara a incrementar a competitividade turística.
A Xunta presenta o Camiño no festival brasileiro de Gramado
fai 9 anos
Trátase dunha feira turística exclusiva para profesionais que se celebra no (+)
Un Foro conmemorará o 25 aniversario da morte de Elías Valiña
fai 9 anos
Vilafranca do Bierzo acollerá en decembro un Foro Internacional sobre o legado (+)