PublicidadeCamara de comercio
logo_menu

PROXECTO ACTUALIDADE PLANO

A localidade portuguesa de Vila Verde acolle a exposición itinerante do Xacobeo “Olladas no Camiño de Santiago”

fai 6 anos

A exposición recolle a visión do Camiño de Santiago dos fotógrafos galegos Delmi Álvarez, Fernando Bellas, Tino Martínez, Javier Teniente, Xulio Villarino e Tino Viz. Permanecerá na biblioteca municipal Profesor Machado Vilela ata o 27 deste mes, mentres outra copia se exhibe nas Azores.

A  S.A. de Xestión do Plan Xacobeo organiza na localidade portuguesa de Vila Verde –distrito de Braga– unha mostra fotográfica sobre o Camiño de Santiago. A exposición “Olladas no Camiño de Santiago” conta coa colaboración da Associaçao Confraría de Sâo Tiago Espaço Jacobeus e mais da Cámara Municipal de Vila Verde.

A mostra, que forma parte dun plan de promoción do Camiño de Santiago en Portugal, estará ata o 27 de outubro na biblioteca municipal Profesor Machado Vilela, tras pasar por Barcelos, Oliveira de Azemeis, Belmonte e Valença do Minho. Outra copia exhíbese nas illas Azores e trasladarase despois a Madeira.  

“Olladas no Camiño de Santiago”

A exposición fotográfica amosa a visión particular que sobre o Camiño de Santiago e o fenómeno xacobeo teñen diferentes fotógrafos. Os autores, Delmi Álvarez, Fernando Bellas, Tino Martínez, Javier Teniente, Xulio Villarino e Tino Viz rexistran coas súas cámaras a paisaxe, o patrimonio arquitectónico, a riqueza humana de peregrinos, visitantes e persoas que viven ao longo dos Camiños que levan a Santiago. 

Nas fotos aparecen desde símbolos puramente xacobeos ata manifestacións antropolóxicas, pasando por retratos con nome e apelidos e figuras anónimas, e desde paisaxes abertas ata a intimidade de igrexas e claustros. 

A dicir dos críticos, a través das súas obras os artistas senten e reflicten como nunha sociedade globalizada e acelerada existen espazos en que, “independentemente de quen sexas e de a onde vaias, sempre te sentirás identificado”. O tempo toma unha dimensión diferente da que manexamos no noso ritmo cotián. 

Ver todas as novas

A Xunta presenta o Camiño no festival brasileiro de Gramado

fai 4 anos

Trátase dunha feira turística exclusiva para profesionais que se celebra no (+)

Un Foro conmemorará o 25 aniversario da morte de Elías Valiña

fai 4 anos

Vilafranca do Bierzo acollerá en decembro un Foro Internacional sobre o legado (+)

PublicidadeAsociacion de Amigos del Camino

PublicidadeHotel Balneario Compostela
PublicidadeMultiusos Fontes do Sar