Parada obrigada ao final do Camiño

fai 12 anos

Se hai un establecemento hostaleiro de referencia para o peregrino que chega a Santiago é Casa Manolo. A súa situación a uns metros da catedral, as súas amplas instalacións e a relación calidade-prezo convertérono nun reclamo para veciños e visitantes. 

Casa Manolo está situado na praza de Cervantes

Situado en plena praza de Cervantes, no tramo final do Camiño Francés e a “cen pasos da catedral”, este emblemático restaurante leva décadas dando alimento ao esgotado romeu na meta da súa peregrinación.

A súa tradicional comida galega en cantidade e a bo prezo fixo de Casa Manolo un dos establecementos de referencia para os peregrinos que chegan a Compostela. Situado en pleno Camiño Francés, na antiga praza do Campo (hoxe Cervantes) a súa fama non só se transmitiu na fala da xente senón que chegou ata as guías máis utilizadas que o sinalan como un lugar de necesario paso no Camiño.

Son moitos os peregrinos que se reencontran neste local tras coñecerse nalgún punto da ruta e que selan aquí unha amizade breve pero intensa. Tanto como o é a experiencia xacobea.

O restaurante posúe varios premios de arquitectura polo seu deseño innovador e pola magnífica rehabilitación levada a cabo no ano 2000 por Pedro de Llano. Grazas a esta reforma a casa de comidas preferida dos estudantes composteláns pola súa relación calidade-prezo pasaba a converterse nun establecemento moderno, coidado e sumamente agradable.

Hoxe os peregrinos substituíron en gran medida a aqueles estudantes, aínda que no inverno ambos os colectivos comparten protagonismo no amplo comedor de Casa Manolo. E xunto con eles moitos composteláns acoden en busca das súas xenerosas racións a prezos razoables e nunha contorna inigualable.

Se quere gozar dunha cociña caseira tradicional ao mellor prezo, pode facelo todos os días –excepto domingos pola tarde– de 13.00 a 16.00 e de 20.00 a 23.30 horas en casa Manolo.