Rúa da Acibechería
Rúa da Acibechería
Esta rúa debe o seu nome a que nela se concentraron os talleres e tendas de acibeche, enigmática pedra negra desexada e adquirida polos peregrinos en forma de conchas, imaxes de Santiago, rosarios, figas, etc. Segue conservando parte desta tradición.
Mercadores e cambiadores
A rúa coa historia máis heteroxeneamente xacobea da cidade. Esta vía non só ofrecía e ofrece a emoción da primeira vista das portas da catedral aos peregrinos do Camiño Francés. Ademais propoñíalles todo tipo de servizos, xa que na Idade Media estaba dedicada integramente a eles.
Aquí vendíanse emblemas e recordos xacobeos, elaborados principalmente en acibeche, vestimentas e obxectos en coiro –cintos, chapeus, zurróns, etc.–; fabricábase e cambiábase moeda estranxeira; e ofrecíanse e voceábanse todo tipo de hospedaxes.
Hospital de Xerusalén e os Armenios
Tamén era unha rúa hospitalaria. O exemplo atópase na rúa de Xerusalén. Debe o seu nome a que nela funcionou o hospital dos peregrinos orientais, os máis afastados que recibía a catedral. Situábase no ángulo que forma esta vía coa propia Acibechería e nel acollíase aos devotos chegados de Palestina e Armenia, este segundo un dos primeiros países cristiáns do mundo.
Na súa capela oficiábase misa nos ritos orientais, como o armenio. Pertenceu á Orde do Santo Sepulcro de Xerusalén e á catedral. Crese que perdurou ata comezos do século XVI.
Comentarios
clara rodriguz
fai 10 anos
sgue la flecha
Nemesio G. L.
fai 11 anos
tampoco es un mal lugar para tomar un aperitivo tras la visita a la catedral esta calle es muy especial
peregrino del mundo
fai 11 anos
y no olvideis visitar la callejuela de Jerusalen que sale de esta calle y que conecta Compostela con otra de las ciudades más increibles del mundo
muro de las lamentaciones en Jerusalem
maría gonzalez
fai 11 anos
la magia de la llegada