Hospital de San Miguel

Rúa das Casas Reais (actuais nº 23 e 25)

Aquí estivo o hospital de San Miguel ou da nosa Señora do Camiño, creado no século XIV para acoller a peregrinos e pobres, que recibían atención gratuíta durante un tempo indeterminado. Compostela tivo diversos hospitais para camiñantes ao longo dos séculos.

A pequena solidariedade

Santiago contou con varios pequenos hospitais que atendían aos peregrinos pobres e enfermos. Constátase polo menos unha ducia. Representaban a solidariedade da cidade cos visitantes que lle daban o prestixio, a vida e a súa razón de ser. Neles recibían case sempre unha atención moi rápida, pero polo menos contaban cun teito baixo o que refuxiarse nunha urbe onde a choiva era frecuente.
Promovíanos e sustentábanos diversas entidades relixiosas e civís. A hospitalidade cos peregrinos, vistos como unha representación de Xesús na terra –“Eu son o camiño”, dixo este–, era moi valorada e a ela recorrían os máis podentes para congratularse con Deus.

O primeiro hospital

Un destes hospitais foi o de San Miguel, fundado cos bens testamentarios dun cóengo da catedral a principios do século XV. Estivo vinculado á inmediata igrexa de Santa María do Camiño. No seu tempo, era o primeiro albergue no que podían residir os peregrinos ao entrar na cidade. Atendía aos que chegaban sen recursos e aos que podían pagar a súa comida. Contou con biblioteca con libros en distintos idiomas para os peregrinos.